JAZZKAFE MED KURT SAGEN JAZZ KVARTETT

«Kurt Sagen Jazz Kvartett» er eit av dei leiande banda på våre kantar innan vintage-jazz. Bandet spelar favorittmelodiar og klassiske jazzlåtar, krydra med eigne arrangement og varierte rytmemønster frå balladar til swing, bossa nova og samba. Dette er stemningsfull og akustisk jazz for folk flest.

Kurt Sagen som bandleiar og gitarist, har i ei årrekke markert seg innan jazz- og underhaldningsmusikk i regionen. Han har lang fartstid som musikar, og har vore leiar for kjende, lokale band som «West Coast Swing», «Blue Horn Jazzband», «Intermezzo Duo», «Molvær/Sagen Trio» og «Møre Swing Band.»