Grønmyr & Dahl Duo // Jazzklubben Ørsta Volda

Laurdag får vi ei flott oppleving når to av landsdelen sine fremste jazzmusikarar møtest på scena! Gitarist Frode Grønmyr og pianist Norvald Dahl går i fotspora til Bill Evans og Jim Hall, og serverer klassiske jazzstandardar i duoformat – med tett samspel og improvisasjonar av høg klasse.

Dahl, frå Fosnavåg, er ein allsidig pianist med mastergrad frå Norges musikkhøgskole og fleire spennande prosjekt bak seg, mellom anna trioen Pandemic Solution. Grønmyr er ein erfaren gitarist frå Ålesund med bakgrunn frå ei rekkje sjangrar og prosjekt.

Ei kveld for dei som set pris på ekte jazzglede!